Legjenda e Italisë, Dino Zoff është shprehur se portieri Casillas është ndër më të mirët në atë që bën, por preferenca e tij për Topin e Artë është dikush tjetër. Zoff tha për “AS” se do të ishte i lumtur nëse e fitonte Casillas, ndërsa shtoi se shikon sërish Messin ta marrë çmimin.
“Për mua Messi është futbollisti më i mirë në botë dhe shumë pranë tij ndodhet Cristiano Ronaldo. Këta të dy përbëjnë dyshen më të mirë dhe më pas vijnë të tjerët, Casillas, Pirlo dhe Buffon”, u shpreh Dino Zoff. Sipas tij, për Casillas do të ishte arritje e madhe nëse në ceremoninë e Topit të Artë do të renditej i dyti pas Messit.
